Festivali i përvitshëm Peza n’Fest tashmë është bërë traditë. Çdo 16 shtator, Peza feston si një ngjarje vjetore ditën historike të Konferencës së Pezës. Bashkia e Tiranës dhe Agjencia e Parqeve dhe Rekreacionit (APR), së bashku me banorët e zonës, organizojnë një sërë aktivitetesh në Pezë, duke e zgjatur festivalin për 2 ditë me performanca DJ për të rinjtë. Tradita e festës së Pezës ringjallet çdo vit, ku shfaqen lojëra për fëmijë, shfaqje cirku, këngë partizane, valle, mini panaire me prodhime vendase.