Arti shqiptar është unik, dhe është pasuruar gjatë viteve me elemente otomane, veneciane dhe perëndimore. Shkolla e parë e pikturës u ngrit në fillim të shekullit të 20 me punimet e Kolë Idromenos, Spiro Xegës, Andrea Kushit dhe Simon Rrotës. Ndër piktorët klasikë të njohur të shekullit të 20 janë Vangjush Mio, Abdurraim Buza, Zef Kolombi, Sadik Kaceli, Nexhmedin Zajmi dhe Guri Madhi dhe Ibrahim Kodra. Vangjush Mio në 1920 hapi dhe ekspozitën e parë personale në Shqipëri. Gjatë viteve të komunizmit, ekzistonte vetëm Galeria e Arteve, por në dekadat e fundit janë hapur shumë galeri private në qytet, me piktura, punime arti e skulptura fantastike.