Projekti “Bravo & Bravissimo – Ti je më i miri” ka si qëllim konkursin e performancave të talenteve të rinj shqiptar dhe të huaj që jetojnë në Shqipëri, nga mosha 7 – 12 vjeç në disiplina të ndryshme si këndim, instrumente, kërcim, gjimnastikë ritmike, imitime, prozë dhe iluzionizëm, etj. nga të cilët në fund do të zgjidhen 3 fitues.

Ky projekt synon ti motivojë të rinjtë duke i promovuar në fushat në të cilat ata kanë talent, si një formë angazhimi dhe argëtimi jo vetëm për kohën e lirë; por gjithashtu duke i motivuar që të ndjekin talentin e tyre si investim për të ardhmen.

Do të punohet me të rinjtë në disiplina të ndryshme me trajnerë dhe juri profesioniste e cila do e vlerësojë secilën performancë.

Thirrja për aplikime do të bëhet online në një faqe web të dedikuar për këtë event, të cilat do të nisin që nga Tetori.

Ky event do të realizojë eventin final në muajin 14 Dhjetor 2024 në sallën e aktiviteteve të Kishës Orthodokse në Tiranë.